領悟無常，跨越想像——張芳慈的第三本客語現代詩集《爧》

集神話寓言故事、生態人文、宇宙奧祕等多元素材，將萬物輪迴、生死循環的自然道理揉合其中，期盼透由現代詩創作，喚起讀者對人間種種問題的關注，並將自身多年來對臺灣土地與文學發展的這份心意，用客語化成一篇篇充滿生命力的詩。

她的語言鮮活、充滿張力，如同一股清流，滌淨世俗風塵。詩人張芳慈不僅是客語詩壇的先行者，更是臺灣當代詩壇上一道不可或缺的、質樸而有力的光明。

在《爧》這本詩集裡不僅是客家的詩，同時也是她對人生百味的醒悟。

會心無常，超越想像——張芳慈个第三本客話現代詩集《爧》
同神話寓言故事、生態人文、宇宙奧祕這兜多元素材聚共下，將萬物輪迴、生死循環个自然道理融合其中，希望透過現代詩創作，喊醒讀者對人間種種問題个關懷，還過將自家長年以來對臺灣土地同文學發展个這份心意，用客話寫出一篇又一篇生命力淰淰个現代詩。

厥个語言活跳、有張力，親像一窟淨俐个泉水，同世俗風塵洗淨來。詩人張芳慈毋單淨係客話詩壇个擎頭人，更加係臺灣當代詩壇項一道做毋得缺少个、篤實同有力个光明。

在《爧》這本詩集裡背毋只係客家个詩，同時乜係佢對人生滋味个覺悟。

________________________________________
 

張芳慈
1986年加入笠詩社。1998年與多位國內女性詩人合創「女鯨詩社」。多元跨領域的連結為作品發表特色，受邀擔任駐村與駐校作家，2020年台北詩歌節焦點詩人，同時主持上百場藝文沙龍講座，並擔任音樂以及劇場或視覺展演策劃。詩集著作等及其他編選出版十本，歷年來參與國內外詩歌節邀請詩人，作品同時廣為翻譯並在國外詩選集發表。目前主持講客廣播電臺文學類節目『行向一首詩』。

出版
詩集《越軌》
詩集《紅色漩渦》
客華對譯詩集《天光日》
華日對譯詩集《留聲》
華英對譯詩集《那界》
客華對譯詩集《在妳青春該時節》
西班牙語詩集《知道你來過》
客語詩與音樂專輯《望天公》
論文專書《李澤藩繪畫空間之研究》
客語詩選《落泥》主編

獲獎
1992年獲吳濁流新詩獎
2000年獲第九屆陳秀喜詩獎
2009年獲教育部推展本土語言個人貢獻獎。
2012年獲榮後台灣詩人獎
2019 年台灣文學金典獎
2021年全球客家貢獻獎藝文類
 

主委序言：寫出自家个聲，點亮時代个光　    古秀妃
編輯室的話
推薦序：穿經投緯的人文關懷　            劉宏釗
推薦序：吉光片羽，靈光乍現——讀《爧：張芳慈客語詩集》        邱湘雲
作者序
本書常用客語字

第一幕　停動
第二幕　起濛沙
第三幕　妄局生
第四幕　極樂
後記
 

1.
烏色波浪肚打出个星
看得著同看毋著个共時排列
浮過來个淨虛空定定
能量彳彳亍亍托核
也跈核隨緊漂流
八方一擺一擺碾出陣陣湧脈
疊出目下看著个泡影
天河斯像攣淰歸串寶石个揹帶
光光????????褶痕伸毋開
留分吾等擐心來款待

2.
山頭之間
綠光扭酒窟个樣相　拚命行
對遠遠飛過
掀起一波又一波
孤使得一????目
風肚蛇形个徙動
成下紅成下青無斯吊菜色
對這山盤過該山
偎緊冰川平洋同凍泥
對時間个山窿煞煞揰落去

3.
無停過个晃晃激激
在空間裡肚掗核空間
緊發緊脹直直到爆撇
吾等迷迷迴緊轉緊轂像人玲琅樣
成時正手片成時左手片自家迷迷痴痴

想尋自由
自溜係風个堅持
這世界敢係真實个
對一蕊烏雲在山頂發酵
拋入拋出吂看真斯散撇咧

4.
遰穢歸路鬼噭聲
陰魂遊遊野野
在日頭落山乜在無日無夜个天涯
毋使煩愁這夜係毋係永久暗落去
蛇影在天頂來來去去
吞生吞死順續脫撇時間个殼
月圓中散做雪花
一蕊一蕊一大片嗒嗒跌啊嗒嗒跌
壅塵蒙密圍身層矺層
風霜捽金目珠又過了過

5.
日頭絲分大鑊定定弇落來
一下那啊斯斷烏咧
正開始頓恬無幾久
海浪斯企啊䟘來逐對平洋
扭酒風一籠一籠剷向大地
滿天鳥聲獸聲人聲
山川必析泥油㪐石滿哪竄
隆隆貢貢跌落烏影肚

6.
舂上跌落連係麼个
係麼个放勢拚命走
無人看得清楚
樹身稴稴斜搖無停
千隻萬隻鬼手樣在虛空肚緊扡緊拗
無幾多時樹頭斯在風肚無見著影

毋知係氣場也係磁場
無形無跡个盡得人驚

7.
對北方來个清冷凍氣把核大地
自從冰山橫撇打出海肚
海底無日無夜緊停動毋識恬靜
赤殼萬年來幾下到分這停動動醒
佢逐擺也無細義 
大嘴一擘斯海水拋花作浪九萬丈
大大細細个魂魄吞落肚腸
 

ISBN / 9786269289639
EAN / 9786269289639
頁數 / 160
開數 / 25開
注音 / 無
裝訂 / 平裝
語言 / 中文繁體
級別 / 無